A LEI DO KARMA

Levamos mais de ano e meio de suposta pandemia mundial. Umha pandemia causada ao que parece por um vírus que, segundo os dados disponíveis, nom é mais letal ca o da gripe ou da influenza de todos os anos. Um vírus que foi mui provavelmente argalhado num laboratório, e largado à mantenta, de propósito. As provas de que isto fora programado por certas elites chamadas de globalistas está fora de toda dúvida, as provas do crime sobejam (embora semi-soterradas sob a maré da propaganda). E se a mortalidade inicial causada polo próprio coronavírus em apreço respondia em parte à existência dumha populaçom envelhecida e de fraca saúde que fora «poupada» no inverno anterior — ca no 2017-2018 a gripe fora «fraca» —, a resposta das autoridades foi o que causou o inicial excesso de mortalidade. Foi umha resposta a escala mundial, desenhada e ditada coa clara intençom de causar mortes e pânico polos criminais globalistas agochados atrás da OMS e dos governos de todos os países. O denigraçom e proibiçom dos tratamentos com drogas conhecidas e eficazes, o genocídio cometido nos lares de idosos (midazolan, etc), os confinamentos e peche das economias, as focinheiras na faciana das persoas ... as injeições genéticas experimentais. Qualquer persoa cumha capacidade racional funcional que se tenha debruçado um algo no assunto sabe que as evidências deste crime sobejam, que se trata dumha operaçom concerta e planejada de submetimento da populaçom a escala mundial (em boa parte motivada pola insustentabilidade do sistema económico e financeiro mundial).

Emporisso, a grande maioria da populaçom continua a acreditar nesta artificiosa pandemia. Verdade é que muitos nom acreditam inteiramente, e apenas «seguem o jogo», pra poderem sobreviver. Mas igualmente é verdade que os que damos enxergado além da propaganda e lavagem cerebral (e sabemos que se trata da maior operaçom criminosa de controlo populacional da história) somos tristemente umha pequena minoria. E umha minoria tamém som os globalistas atrás deste crime, embora se lhes acrescentamos os «idiotas uteis», ou aqueles que sendo enganados facilitam e ajudam nesta operaçom criminosa, acharemos umha percentagem da populaçom mundial significativa. Talvez chegando mesmo a um quarto do total. 

Por tanto, temos umha muito exígua minoria de psicopatas a conduzir este programa criminoso de controlo populacional, e umha minoria considerável de gente inconsciente ou boubexa a ajudar e facilitar este programa (som os jornalistas e os políticos). E umha maioria de gentes amedonhadas que estám simplesmente tentando de sobreviver, mas que nom enxergam a realidade que se agocha atrás da propaganda (que elas tomam por «informaçom»). Esta maioria ainda acredita que os governos agem polo bem dos cidadãos, e nom pra controlá-los e, quando o julgam necessário, darem cabo deles. 

Já que logo, neste crime contra a inteira humanidade temos umha pequeníssima minoria de psicopatas e loucos, dumha banda, e umha maioria de gente inconsciente e manipulada, aliás conduzida como ovelhinhas. E esta maioria inconsciente tamém tem a sua responsabilidade no crime, nom inteiramente a nível individual, mas ao nivel da espécie humana. Aliás, acho que essa inconsciência é a verdadera causa da tragédia. Umha inconsciência que leva umha minoria a manipular e causar indezíveis sofrimentos à maioria, e umha maioria a sofrer sem se decatar de quem está a causar o seu sofrimento nem de reagir contra ele. Em realidade estas duas partes agem segundo umha mesma dinámica de inconsciência, só que exprimida de maneiras diferentes (o qual nom tira nada da culpabilidade infinitamente maior da minoria que programam e facilitam o crime).

Só dumha perspeitiva mais abrangente, acho, poderemos compreender dalgum modo esta loucura que vivemos. A espêcie humana tem causado massivas extinções e sofrimentos no ambiente e noutras espêcies. Aliás, a escravidom e sofrimento que impomos aos milhões de animais de que nos alimentamos é de proporções gigantescas. A nossa espécie tem-se aderido um «mau karma». Por isso o sofrimento causado noutras espécies agora se torna contra si. É a dinámica da inconsciência e do domínio do ego. Pode-se aquelar, isto? Acho que a minoria mais desapiedada vai «ganhar», a populaçom será dramaticamente reduzida, o «transhumanismo» (nom dependência na matéria orgánica) acabará sendo o próximo passo da humanidade. 

Ou seja, umha minoria de seres humanos — ou posthumanos — acabará levando o peso todo desse mau karma passado ...

Nom os invejo.